搬 屋 常 見 問 題

1. 搬屋前的準備
 

若是決定搬遷，搬屋前應做好不同家居服務的轉名事宜，例如水、電、煤氣、寛頻上網等轉地址或重新安排手續，當然還有銀行資料，以免延誤任何財務資訊；若要停止舊居的一些固有服務，亦應提早處理避免額外損失。
 

2. 包裝物品技巧
 

我們所提供的紙箱給客戶作執拾之用，不同類型的物品，例如容易破損、貴重物件等應作分類處理，但大多數人都會遇上物件太多或難以分類的問題，這時應想想有沒有多餘的東西可轉贈他人，實行「斷捨離」，既不浪費也可節省搬運金錢；另外，若物品繁多，應標記好每個包裝好的紙箱，並用筆記下，在拆箱時便更有效率了。
 

3. 留意額外收費
 

市面上的搬屋公司繁多，除了基本價錢外，最重要是不同的額外收費，搬屋公司有沒有清晰收費表是十分重要：沒有升降機時加收的樓梯費、漏報物件或臨時加搬物品、臨時決定行走小路、工人幫忙包裝、裝拆家具、幫忙棄置大型家具等大都需要額外付費，而我們是禁止職員苛索小費，以上所有收費亦有列明在搬屋快網站內，客戶清晰又放心。


4. 搬電視和雜物
 

大家搬屋收拾嘅時候，習慣會將全屋嘅嘢塞曬落紙箱，但有啲電器、大型雜物其實係唔需要Pack箱，如果係 Plasma 或 LCD電視機，只要喺搬屋前預先拔除所有電綫，師傅就會幫你用紙皮包裝，最後放喺搬屋膠箱 、搬屋紙箱箱頂。其他電器都係一樣嘅道理，唯獨是要記得將拔除的電綫，捲好、用膠紙黏好之後 Pack箱 ，以免遺漏。大型雜物都一樣唔駛用搬屋紙箱。你只需要將佢地放埋一邊，用紅白藍袋或其它方法裝好，師傅就會用雜物車搬走。不過小型喇叭就需要用到紙箱啦，記得要先用氣泡紙包裝好先入箱，避免被其它雜物砸壞。


5.廚具、易碎餐具
 

碗碗碟碟點Pack好？ 搬屋Pack箱 最驚就係易碎品，你可以用氣泡紙減低搬運過程中砸碎嘅機會，我們會提供特別專用碟架、墊底棉、碗袋、 杯袋、調味架等俾你，包裝好易碎嘅厨房用具先放入紙箱。至於廚房大部分器具，搬屋公司都有專用嘅紙皮用具盛載，你只需要係搬屋嘅時候向搬屋快公司職員索取就可以。而大型煮食用具，譬如煲、鑊等器具就可以喺搬屋當日先再放入大紙箱。至於雪櫃裏面嘅嘢就唔駛全部入箱，只係執好生果格對上三、四層就可以，櫃門、冰格、生果格嘅食物唔需要特別處理，成個雪櫃直接Pack走就可以。


6.搬屋紙箱做好分類
 

執屋執到一半，成間屋都放滿一式一樣嘅紙箱，連自己都未必認得，更何況係搬屋公司。 搬屋快有限公司會提供專用嘅貼紙俾你做標籤、分類，到 Unpack 執嘢嘅時候就唔洗又大頭痛啦！

​

另外， 我們會提供「物件到達新居後確認單」，即係我哋俗稱嘅搬屋清單，同相應嘅號數貼紙方便你mark箱，減少唔見嘢嘅機會。到達新居後，你可以要求師傅幫手核對每個號數嘅物件係咪全部安全到達。

仲有一個省卻搬運時間嘅貼士，就係將Pack好嘅紙箱放埋一齊。由於師傅一般會搬左紙箱、膠袋先，如果將佢地放埋一齊，就可以省卻師傅逐間房揾嘅時間啦。


7.床頭櫃.鞋櫃.書櫃點執？
 

搬屋Pack嘢好多人以爲一定要清曬櫃裏面所有嘢出黎，但其實唔一定！細櫃裏面嘅嘢唔駛全部拎出黎，好似床頭櫃、鞋櫃、五桶櫃衣櫃等都可以唔駛清，直接成個Pack走。但高於 6尺嘅櫃，譬如書櫃、地櫃、衣櫃等，因爲上到貨van 要打側放，以免裡面嘅物品傾倒而出，所以要清理左先。最好喺搬運前同搬運公司查詢貨櫃尺寸，了解規格係點樣先再作安排。另外，如果搬去某啲唐樓、村屋、複式單位或者有樓梯嘅單位，就要將櫃裏面嘅物品入箱，以免在上下樓梯搬運過程中傾倒當中物品。
 

​

8.清理傢俬垃圾

搬運當日， 搬運工人未必個個都有一份搬屋Checklist 對住，未必清楚邊啲傢俬要搬上貨車、邊啲係唔要，所以你可以善用「垃圾」同「留低」貼紙貼喺傢俬上面，或者直接用 Marker筆標記，咁就唔怕撈亂啦。另外，更加直接嘅就係，放係另一邊，以免混淆。


9.選適合的搬屋公司

唔知上面嘅搬屋Pack箱貼士有無幫到你呢？其實想要成個搬運過程，順心又放心，最緊要嘅都係選擇一間專業又可靠嘅搬運公司！搬屋快有限公司得到用家一致好評，細心關顧你的需要，助你輕鬆完成整個搬運過程，唔需要再因為搬屋而覺得麻煩。想搵一間心儀嘅搬屋公司？即時致電9887-1335聯絡搬屋快！